حفل عشائر الزميل بتاريخ 27/1/1436هـ بقصر المملكة بمحافظة رفحاء مناسبة انتهاء حملات الزميل للتبرع للسجين سلمان الويباري

 خذ العلوم اللي بها صدق الأفعال
والهرج يغني صامله عن كثيره

ما هي هروج مجمعة جرد الأسمال
مجدا موثق يالعقول السفيره

أزمل فلا تزمل ليا حدك الجال
أزمل فلا تزمل يجي لك بشيره

لا كبرت القالات له شاشت رجال
وعند الزميل تهون تصبح صغيره

اليا تناخوا تنبهج ضيقت البال
أزمل لا تزمل والمواقف كثيره

ربعي أهل الدبوس والحق ينقال
تاريخهم مثل النجوم المنيره

منا الذي قاد المعارك بالأبطال
ضد اليهود أيام حرب عسيره

عن حرمة المقدس كسب طيب الأفعال
قايد ويعرف من رموز العشيره

ومنا هل النخوات لطيب مدهال
شيالت الحجاج بأرض وعيره

شالوهم الأزمل على الكور بالحال
ياما لمكه والمنادي بشيره

ومنا رجال وثقوا طيب الأمثال
لليوم تضرب للخوي والمسيره



خمسة عشر ليله على المتن منزال


من أقصى صرغ جابوه رجله كسيره

ومنا ومنا لابة ذكرها طال
نعجز وحنا نقول هذي وغيره

في ضل أبو فرحان والعز بقبال
شيخ الجموع اللي يقود المسيره

معه عضيد العز شيال الاحمال
الشيخ أبو فيصل سنده وشويره

شيوخ لنا من يوم وارد ورحال
وحنا لهم محزم بجوفه ذخيره

ومن دون قاصر بالقبايل والأبطال
كلن له فعول تشرف مسيره

عسى لكم جمع له الضد يهتال
وعز يرفرف بأسمكم بالجزيره

وتعاون بالحق في كل الأحوال
وعسى لكم في مسلك الدرب خيره

من حبكم سجلت ما دار بالبال
تعبير من راس تغشاه غيره

وصلاة ربي عد ما هل همال
على الرسول أعداد فايح عبيره