مرثية الشاعر عقاب العبيد بالعم فلاح عايد الطعيميس

 

رحل يابو نايف قريب (ن) وغالي

عساه بجنان الخلود العذيه

وعساله الجنة مقر ومالي

ويدمح عنه رب العباد الخطيه

ويفوز بالجنة وخير النوالي

والموت سنة ماشي للبرية

العم ابو عامر كريم الفعالي

واسال عنه ضيف وقريب وخويه

في غيبته شفت الحزن بالرجالي

رجالن ترحم من قلوب (ن) نفيه

باب الكرم مفتوح أول وتالي

وان جاه ضيف (ن) قال يالله حيه

من خلقته ماشي على هالمجألي

يالله ترحمه وتبارك لفيه

محبوب والعالم تعرف العدالي

ولا البعض مايفقدونه ذويه

أدعوله الواحد عظيم الجلالي

جنة نعيم بيوم مابه حميه