قصيدة من الشاعر القدير محمد متعب المرمش

بيضا على راس الخشب والرعيله=يشوفها الطرقي على مدة الشوف
لعيال عجي أهل الكرم والفضيله=اللي على فعل المراجل بهم نوف
رجال يحبون الوفاء والفضيله=لو كان ماجاهم جميل ومعروف
طبع طبع فيهم بدم الفصيله=للطيب واحدهم حريص ومزهوف
اكفوفهم بالمد ماهي بخيله= وفزعاتهم بالمال مرصود بكشوف
عاشوا خوالي مدركين النفيله=مافيهم اللي عن هل المجد محذوف
بيت عزيز ومزبن للثقيله=بالدين والدنيا لهم فعل موصوف
والطيب ورث ماوتاهم دخيله= مافات من طيب لحق طيب مردوف
من روس قوم يحتمون الدبيله=اولاد الازمل يوم هي ضرب وسيوف
يروون باللقوات حد الصقيله=والحق يرجع لو لحق جمع وصفوف
والجار مايلحقه زله وميله=مع وسطهم يدله ولايقربه خوف
ولو أبا اعدد فعلهم طال طيله= لاشك موجز واكثر الفعل معروف
شهادة محمد نضايض غفيله= لخوالي العجي مخفي ومكشوف