فكرت بالدنيا وميزت بالناس
الشاعر / غايب بن عبدالله العامر
07-18-2011 05:14 صباحاً
13
0
3518
موقع عشيرة ال عجي
فكرت بالدنيا وميزت بالناس
ونتيجت التفكير شفت اختلافي
الفرق واضح مايبي وزن وقياس
واضح لكل الناس ماهو بخافي
الناس كلن له طبايع ومرماس
والله باعماله حسيبن يكافي
رجلن يقضي وقته افراح ووناس
يروح عمره بين رايح ولافي
ورجلن بوسط المجتمع تقل عساس
وعن الحقيقه صار فيه انحرافي
ورجلن سهير مادهج عينه انعاس
ورجلن من اول غيبت الشمس غافي
ورجلن غني واعطاه ربي بلا قياس
ورجلن فقير ويمشي الرجل حافي
ورجلن على غرات الادنين بلاس
ويزيد من عنده كلا من خرافي
ورجلن ضعيف وجابره قوت الباس
ورجلن قوي لاكن بخيلن هلا في
ورجلن يقوم وقومته مالها ساس
ورجلن يقوم ويرجح الكيل وافي
ورجلن مع الخفرات واخماسه اسداس
مع الحليله مايعصاها السنافي
ورجلن تحت الاقدام يوطى وينداس
ويحسب من الي تحت ظل الرفافي
ورجلن كريم وشبت النار له ساس
ورجلن بخيل ودايم البيت طافي
ورجلن فهيم ودارسن كل كراس
ورجلن غشيم ومن الزمن جاه جافي
ورجلن حليم وجيرته ترفع الراس
ورجلن قليل العرف وقصره يعافي
صحيح من قال البشر عدت اجناس
ذكرت مما شفت بأخر مطافي
ومما ظهر علمه قبل لفظ الانفاس
ماظاهرن له عقب موته خوافي
وتمت وصلو عد ماهب نسناس
واعداد ماتذرى هبوب السوافي
على نبي بين الدين للناس
شفيعنا يوم الحشر والطوافي
هنا كنت رائعا حقا بقصيدة أروع ماقرأت لك على المدى البعيد ..
وصف شامل ودقيق للبشر التي تختلف كما هو إختلاف أصابع الكف .. ولله في خلقه شؤون ..
أعجبتني جدا
شكرا
قصيدة جزلة من شاعر جزل
لافض فوك
فعلا قصيدتك أسميها ( كاتلوج الناس والحياة )
وصف دقيق وصادق وحقيقي كالمرآة التي تعكس الواقع
كما هو بدون أي تحريف أو مجاملة لأحد
قصيده جزله الله يعطيك العافيه
ابو فيصل
ومما ظهر علمه قبل لفظ الانفاس () () ماظاهرن له عقب موته خوافي
صح لسانك وسلم بوحك يابو حمد ابدعت بالوصف ما شاء لله عليك
معلومات قيمه في الوصف استفدت كثير،،
اشكرك
أبو خالد ،،
المشرف :عبداللطيف صالح المغيص
الآخ: ابو متعب
الآخ: محمد حبيب الغيص
المشرف :العام ابو فيصل
الخال: ابو خالد
عضو: مجلس الاداره
السلآم عليكم ورحمة الله وبركاته
يعطيكم العافيه اسعدتني ردودكم كثيراً وجميع مقالتكم الذي قراتها
اعتبرها وسام على صدري اتشرف بحمله دائما وتشجيعن لي والى من اراد
ان يكتب في موقعنا المفضل موقع عشيرة ال عجي وفقكم الله جميعاانتم
بمجهوداتكم الذي اظهرتو هذا الموقع با المظهر اللآئق انتم وزملآئكم
الذي لم تحضرني اسمائهم ولكم مني جزيل الشكر وتقدير
يابو حمد
وصف أكثر من رائع
صـــــــح السانك يالخال
ودمت بود واحترام
لافي الهادي
مبدع يابعد روحي ابيات في غاية الروعه لاعدمناك
صح لسانك يابو حمد قصيدة رائعة
روووووعه القصيده ..~
ورجلن بخيل ودايم البيت طافي
صح لسانك ...