رد على قصيدة المنتحي

هات القلم وأكتب من زين الأشعـار=خـذ مــن ترانيمه وأحـلـى تغريــده
أكتب وأحرق معطر العـود بالنــار=عــطر الشعر ياكثر نـاس تريـــده
وعتق حروفه من شذى دهن عطار=يأتيــك عذبــه مــن صـافي جـديــده
وغــلف تـحيــاتي بكمــوم الأزهــار=وســلام أرق مـن نســمـات فريــده
ومــده للي ميزتـه طــول الأنــظــار=المنتحي اللي قــاد عـنان القصيــده
الشاعر اللي له في الشـعر مضمــار=أســرج حصـانـه والفراســة يجيــده
يامـرحبــا ترحــيبـة الجــار بالجــار=أو ترحــيــبــة أمٍ بـعــودة وحــيــده
يالمنتحي أكرمتنا بزخـات الأمطــار=والغــيث يأتي مـن نـفــوسٍ حميــده
يــوم أنــك مدحـت أبــوزيـد مختــار=تعبيـر واضــح فـي عبـاره مفـيــده
اللي لــه بصفحـات الجــود تــذكــار=كــريم يمـنى مــع أفـعــالٍ مجيــده
أســمه معلق بصــدر السـماء صـار=فـخــر بـه المغـلي بروح سـعيــده
هذا وأنا ياصاحبي صــرت محتــار=مـدري نقــصت الصاع وإلا ازيــده
والعفـو منك إن كانت أبياتي قصــار=والـمـعــذره هــي أمنيتــي الوحيــده
ولـك التـحــية يشــعلهــا ودي الحـار=أرســلـتها لك مــن الـديــار البعـيــده