عظمى ولاتسوى جناح الجراده

هاذي قصيده من قصايدي القديمه راجياان تحوز على رضاكم

الله مـن قلبابه الهـم يزداد= روابـع تاتي كثير عـداده
خواطـر مابين صـادر ووراد= سوةعلى قلبي هجوم واباده
عدالحرايب قايمه والخطرزاد= تقابلت ذيك الجيوش بعتاده
قوات ماهـوحـرب باردوبراد= الا هـجوم واصتدام وشـهاده
رجف المدافع زلزل القاع رعاد= تقـابلت قـوات خطـربـياده
والميق ترسل مايزلزل بالاطواد=يادك له دارتغيب السـعاده
وقـنابل قامت تفجـر بالاجـناد=بيوم مثل ليل الضلام بسواده
تقابلو والكل في راسـه عناد=كل من الثاني يحاول سداده
ايلين بادوبينهم والخطركاد= ياصـل على ناس بعـيد بلاده
تشوف بالميدان صفات الافراد= يشيب منهااللي بسن الولاده
تلقى ضحايامن الطرفين هجاد=عصم الشوارب ماتعرف الشراده
كل انعدامه من زعيمين انداد= واسباب كـل الحرب كلمةسياده
اوعدفي صدري صواريخ بغـداد= يوم ارجفت بالقاع صارت رماده
ياول ياقـلب للافـكار مرصاد= وش حـيلتي ياناس صـعب عـناده
بسباب دنياكيدهاوالبلى زاد= قامت تصـرف بي على غير اراده
يللي سألتن ترسوألك له ابعاد=واجابتي خـطره يطـول امتـداده
ياصاح اسمع وافهم الشرح بأيجاد= لي قصـة ياخـوك مابه جـحـاده
اناالـذي من جـور الايام بجهاد= اقاسـي امـرار الزمان ونكـاده
كـافحـت تيار به المـوج وراد=وضـليت مـثل المـبتعـدعـن بلاده
حاولت حـل وحـيلنايالاخـو باد=الحـل دونه حـال حـالات حـــاده
ياصاح صرحي دون صنصيرمصـعاد=صـرحـي صراحه لصـتدام بصـمـاده
بالصوت صحت ولصدى الصوت صداد=بصـدري تصـافق صـافق البين صاده
مصافق صواعيق الصواريخ بارصاد= لوصـك في صـم الصـخـركـان اباده
صبرت صـبر لاصـعب الصـعب مقصاد= صبريصـيب اقصى الضـماير حـصاده
ياصاح مالي بالتواصيف واعداد= ذكــرت روسـ اقـلام للحـر اشاده
ياصاح مع دنياالشقاءكودننقاد= راضـين والا غــير نرضـى زيـاده
في كل بسـاطه تجافيك باصـداد= باكمل حياتك به تشـوف الزهاده
دنيالعينه مابهـاغـيرالانكـاد=عـظمى ولاتسـوى جـناح الجـراده
مالت على حاتم وعـنتر وشـداد=ومـن عانده مايهـتني في رقاده
ماقال ابوزويدبتاريخ الاجداد= يكـفي ولايحـتاج شـرح واعـاده
هـذاجـوابي باختصار يالاجواد= للي سـألني والجـواب بركـاده
وبلماض كفي من طلب سيف بغماد= مضـلوم والمـضـلوم ربه سناده
خـصمه سحب للسيف لاشـك مافاد=السيف عـياينسـحـب من غـماده
في كل حـقدوازدرى عض الانجاد=ورصـه على صـدره وجاب اجتهاده
ثم انسحب والسيف للعنق جداد=وهـاذي نتايج ضالم الناس عاده
يريد قـتله لاكـن الله مــاراد= مـواقـف تاعض ضـعـيف العـباده
ومن كل هذاالمنطلق ناضع ارشاد= للي يحـب الخـير والحـق اراده
تم الجواب اللي اختصرناه بعداد= واشـراف مع تصـميم شاعر رياده
اليابغى يكتب من الشـعرمـاراد= ينسـخ ويصـدر مايجـوز اعتماده
ماقلتهـاقصـدي مدايح واناجـاد=وكـل يعبر عـن خـوافي مـراده
وصلوعلى اللي للبشرناصح وهاد= اللي دعاءواعلن بنطـق الشهاده