يالله يا منشي المـــزون الثقيلات
09-23-2009 10:00 مساءً
0
0
3455
 |  | |
|
يالله يا منشي المـــزون الثقيلات = يامدبر الدنيا على ماترادي يارافع بالعرش سبع الـــسموات= وسبع تحتهن راسيات شدادي يامصرف سمر الليـــالي والايات= يلي على رزقك تسير البوادي تجبر حزن قلبي على شايب مــات= مرحوم يلي مامشى في لهادي عشرين عام عشتهن تقل ســاعات= ماذكر حياته ردني عن مرادي عسى لك الجنه محـل مهـــيات= يلي من الدنيا طويت العدادي ياخونت الدنيا عدون بـــغرات= تاخذ ولا يرجع لخيذه منادي كم فرقت بين القـلوب المحــبات= جتهم وشلت من سلفهم نوادي ومن عقبهم هانت نفـوس عزيزات = باتو بذل ورزقهم بانكصادي ياعضيب سامـحـني ترن شفت مجفات=ماهي منك ياعضيب منذا البلادي البيت خالي والمواشي قليــلات=ولاني على المقعد صبور رمادي ياعضيب دارك اشرتلي اشـارات = اشارة يقــعد بها كل غادي عرفت مقناصه ولاني براضــات =ولاهو على راسي جفاها عنادي قبلي جفت بني عمــر والهلالات= اقفت ضعاين طرشهم كالجرادي راحو ولاخلو بنجد حــسوفات =غير المنازل مع سهايا الرمادي لاشك انا ياعضيب قفي رفاقـات = يكدون فزعات العدو المعادي حريبهم يشرب من اغل كاسـات= مرن كما الحنضل بنكد ونكادي وان جيتهم للمرجله والصـدقات =تلقابهم للجـار ذكر المهادي ربعن بهم للفعل والطيـب فزعات= حلالهم بالطيب يذهب نفادي يوم تقره عندهم عن سنــاوات = يسوى زمانن عايشينه سرادي لوابي اعد اسماهم في فراغـــات =أزريت اعد حضورهم بالعدادي ربعي لياقلت بركت الونيـتات = يكفون والخايب عليه السوادي اللي ليا جا لازمي جوك دفعات=مثل الزمول الصـايجه بالهدادي قلت ارجعو عود ضرب درب الافخات = صعب عليكم نجـدته ياعوادي قالو مناكبنا تخون مســـوات=اسـعاف للي طايح للوسادي وشالوه من فوق المتون الجميلات=متسند كــنه عليله شدادي وهامو ا وراموا بالعزوم القويات=بحد النفود وعورها والركادي طابورهم يشدون زمل العقيلات = ولا دفاع في سـبيل الجهادي صفوت صفا ومن صفات مصفات=حد الحدود اللي حداه السدادي ان قيل لك منهم تراهم زميلات = نطاحة المقبل نهـار الطرادي الله يكافيهم صواديف الافات=اللي على الشده متان جلادي الشاعر / سليمان بن محارب المشيط رحمه الله | ||
 |  |
